Жеңіс күні қарсаңында Almaty Resort ұжымы қалыптасқан дәстүр бойынша  қамқорлығындағы ардагерлерге барып, олардың денсаулық жағдайын тексерді. Бұл жолы олар 101 жастағы майдангер Иван Бегунов пен 91 жастағы тыл еңбеккері Алевтина Моисееваға барып қайтты.
Иван Бегунов соғыстың басынан аяғына дейін қатысып, Еуропаны азат етуге атсалысқан, Қызыл Ту орденімен марапатталған. Ал Алевтина Моисеева Алматының өнеркәсібі мен әлеуметтік саласының дамуына зор үлес қосқан.
Жыл өткен сайын ардагерлер қатары сиреп барады – бүгінде Алматыда соғыс куәгерлерінен небәрі 14 адам ғана қалған. Сондықтан оларға деген қамқорлық пен ықылас бұрынғыдан да маңызды. Олардың ерлігін ұмытпау, құрмет көрсету және бейбітшілікті сақтау – баршамыздың ортақ парызымыз.