Алматыдағы іссапар аясында ҚР Президенті Іс Басқарушысының орынбасары Маржан Әкімжановамен бірге ПІБ Медициналық орталығы «Оқ-Жетпес» емдеу сауықтыру кешенінің «Almaty Resort» орталығына бардық.

Қазіргі таңда кешеннің емдеп сауықтыру емханалық бөлімінде науқастарды 13 түрлі бағытта емдейді және оңалтады. Сондай-ақ табиғи емдеуге басымдық берген «Almaty Resort» емдеу-сауықтыру орталығында бүгінде климатотерапия, бальнеологиялық (минералды суды пайдалану) және балшықпен емдеу тәсілдері жолға қойылған. Кешеннің жұмысымен танысу барысында емдеу-реабилитациялық, спорттық-сауықтыру бөлімшелері мен емдеу-сауықтыру кешенінің бөлмелерін аралап, реабилитациядан өтушілермен тілдестік.