«Оқжетпес» АҚ «Алматы» филиалының директоры Гүлжанат Бұғыбаева Қазақстанның жоғары мемлекеттік наградаларының бірі – «Құрмет» орденімен марапатталды. Өз сөзінде ол бұл жетістікке ұжымының қолдауының арқасында жеткенін атап өтті.

«Құрмет» ордені азаматтарға экономика, әлеуметтік сала, ғылым және мәдениет, білім беру, мемлекеттік қызметтегі үлгілі еңбегі мен белсенді қоғамдық қызметі үшін беріледі.

Өзінің еңбек жолында Гүлжанат Аманжолқызы көптеген марапаттарға ие болды, олардың ішінде «Ерен еңбегі үшін» медалі, Қазақстан Тәуелсіздігінің 20 жылдығына арналған мерейтойлық медаль және Мемлекет басшысының, Сенат пен Мәжіліс төрағаларының алғыс хаттары бар.

Балалық шағынан бастап мейрамхана басшысы болуды армандаған ол қызмет жолын аспаздықтан бастап, бүгінде тек тамақтандыру ғана емес, шипажай қызметінің барлық саласын басқарады. Оның мемлекет басшыларына арналған ресми қабылдауларды ұйымдастыруда тәжірибесі мол, ал оның рецептері «Астананың жоғары тағамдары» кітабына енген.

Қазіргі уақытта Гүлжанат Бұғыбаева басқаратын «Almaty Resort» шипажайының ынтымағы жарасқан кәсіби ұжымы қазақстандықтар мен шетелдік қонақтарға жоғары деңгейлі қызмет көрсетіп, сапалы медициналық-оңалту бағдарламаларын және тақырыптық мәдени іс-шараларды ұсынып келеді.